| | | |
| |
| مواضيع ننصح بقراءتها |
| ||||||
| مطابخ الاعضاء للاطباق الرئيسية طاجين.. أطباق الأرز .. اطباق الدجاج |
 |
| | LinkBack | أدوات الموضوع |
| 
( 2011-01-05, 16:22 )
  هذا دجاج معمر بالأعشاب بطريقه عاديه و مبخر و من بعد كيتحمر فالفرن انا كنفضلوا بزااااااف حيت كيجي لديد تانيا انو كيجي ناشف يعني كمية الدهون فيه بسيطه خصوصا اننا كنطيبوه على البخاريعني حتى داك الدهون اللي فيه كيفقدها اولا راكو كلكم عارفات الدجاج نجيبوه نغسلو ونرقدوه ياما في الحامض او الخل وصراحة انا كنفضل نرقدو في الرنج كيجي غزااااااااااال بحال الدجاج البلدي او كندير الحامض و شوية الطحين المهم ملي نشلوه ويستقطر كنكونو وجدنا شرمولة اللي غادي نخليو فيها داك الدجاج الي هي : 2 ضروس ثوم /ربيع مفروم / ملح / لبزار / زنجبيل / شوية ديال الكركم (انا مدرتوش هاد النوبة حيت درت مكعب كنور ديال الزعفران كيعطي لدة مختلفة) /وشوية ديال راس الحانوت (اختياري)وشوية ديال الماء باش تروي داكشي خلطي كلشي ودهني الدجاجة مزيان من برا ولداخل بين الفخاد و جلدة الصدر و فتحة العنق و في الصدر من الداخل ديري شي مورصو صغيير ديال الزبدة(اختياري كدلك غير كيزيد يهشش الصدر) دابا ندوزو لتعميرة:انا هادشي كندير عيني ميزاني تنينا و الرغبة ديالك ربيع مفروم يكون بزايد (معدنوس و قسبور) مايكونش مرقق بزااف زيتون اخضر بدون عظم مقطع ويكون شويية كتير / قشرة حامضه مصيرة مقطعه قطع صغيره /شي ضرس توم محكوك الكبود و القناصي مصلوقين و مقطعين صغار الشعرية صينية ديريها في الماء ساخن ستيها وقطعيها تم التوابل(نفسها)ملح (نقلل كميه الملح حسب الزيتون و الحامض) / ابزار/ تحميرة/ زنجبيل / شوية كركم / 2 ملاعق زيت زيتون او المخلطة اللي كتفضلوا مقدار التحميرة هو اللي لازم يكون كثير(باش ملي كتحلي الدجاجة كتلقاي لون الحشوة مختالف على لون دجاج ماشي كلشي يجي صفر ههههه) اما باقي التوابل حسب ذوقكم نخلط كل العناصر جيدا ( لو حسيتي انه ناشف شويه زيدي شوية ماء )ونبقى نعمر مزيان الدجاجة وحتى بين الجلدة نخيطوا الدجاجة (لو خفتي تحل لفي الدجاجة بخيط غدائي) انا كنخلليه ليلة كامله بالحشوة فالثلاجه باش يشربها مزيان ودخل فيه في الغد كنبخرو في الكسكاس(الما اللي كنديرو في البرمة مكن ديري فيه اي حاجة كتفضليها ممكن ورقة سيدنا موسى / زعتر / هيل ,,,نتينا وفاش كترتاحي) عندك واحد 45 دقيقة تقريبا تلقايه وجد ان شاء الله ملي يطيب ممكن دهنيه بالزبدة او موطارد او ديري شيو زبدة وشوية موطارد وطربيهوم مزيان ودهني به او دهني بسمن او ....كل واحد اش كيفضل ودخلي للفرن يتحمر وهاهو واجد بالصحة والراحة ممكن ترافقية باي حاجة اما دغميرة طيبيها او خضرة مبخرة او خضرة مشرملة او باطاطا سوطي او بطاطا مسلوقة ومقلية لك الاختيار نتمنى يعجبكم وبصحتكم | ||
   |
 المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ساندوتش على الطريقة الصينية | aya77 | الطبخ بالفيديو Cooking Video | 4 | 2012-08-12 11:55 |
| كيكة بالشعرية السفة | ام العربي | مطابخ الأعضاء للحلويات وطورطات والكيك | 25 | 2011-11-22 16:59 |
| بريوات بالشعرية الصينية | سوسية | مطابخ الاعضاء للاطباق الرئيسية | 0 | 2011-07-28 10:43 |
| -لحم محمر بالخضر وستيك محمر بالشعرية-------------- | لؤلؤة | مطابخ الاعضاء للاطباق الرئيسية | 3 | 2011-01-02 18:27 |
| طاجن الارز المعمر المصري | جلنار نور | مطابخ الاعضاء للاطباق الرئيسية | 1 | 2010-08-08 13:44 |
|
| الكلمات الدلالية (Tags) |
| المعمر, الدجاج, الصينية, بالشعرية |
| أدوات الموضوع | |
| |
