| | | |
| |
| مواضيع ننصح بقراءتها |
| ||||||
| مطابخ الأعضاء للحلويات وطورطات والكيك أطباق الكيك .. حلويات التقديم .. |
 المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ركن اللقاء المفتوح خاص بالاكلات المتنوعة | ام اكرم | مطابخ الاعضاء للاطباق الرئيسية | 149 | 2012-11-23 10:44 |
| كيكة اللقاء المفتوح | انيقة | مطابخ الأعضاء للحلويات وطورطات والكيك | 6 | 2012-09-04 08:28 |
| الرايب من اللقاء المفتوح | imaneloukili | من مطابخ الاعضاء خاص بالعصائر | 8 | 2011-09-25 23:26 |
| حلوى البريوات من اللقاء المفتوح | انيقة | مطابخ الأعضاء للحلويات وطورطات والكيك | 8 | 2011-06-02 15:45 |
| حلوى اللقاء المفتوح | انيقة | مطابخ الأعضاء للحلويات وطورطات والكيك | 7 | 2011-06-02 15:44 |
 |
| | LinkBack | أدوات الموضوع |
| |||
     |
| | | |
| السلام عليكم ورحمة الله وبركاته حلوة من اللقاء المفتوح المقادير:6 بيضات 400 غ فورص 300 غ سنيدة 2 خمارات كاس الزيت كاس الحليب الملح وللتزيين: كاس الحليب + 2 معالق كبار الزبدة + 250 غ التشكلاط + 250 غ الكوك الطريقة في إناء البيضات + السكر يخلط مزيااان حتى يولي لونو باهت والحجم يتضاعف مثل الكريما بالباتور ثم نخلط الحليب + الزيت + الخمارات + الملح ونضيف إليه الخليط الأول ونحرك الكل من التحت إلى الفوق تنخوو في لاطة مربعة مدهونة وندخلوها للفرن لمدة 20 دقيقة ولما نخرجوها نتركوها حتى تبرد ثم نقطعها مربعات. ونتركها جانبا نجيو دابا للتزيين: فوق النار نضع الحليب والزبدة والشكلاط حتى يدوب الشكلاط والزبدة ويصير لينا الخليط مثل الكريما ثم نغطسو المربعات في الكريما ثم نمررها في الكوك. ونتركها حتى تبرد مزيان ثم نستفوها ملاحظة: هاد الحلوة تتخرج كمية بزااف --------------------------------------------------------------- كلاص رويال ديال اللقاء المفتوح راائع هاد الكلاص كيجي لذيذ بزاف جربتو عدة مرات اللي جرباتو اكيد غادي تعاودو المقادير بكية غبرة كريم شانتيي حك ديال نيسلي كاس دانون فاني (من الاحسن يكون كريمي) نصف لتر حليب يكون بارد مزيان قريب يجمد التزيين ملعقة صغيرة نيسكافي مذوبة في ملعقة حليب او ماء شكلاط غبرة لوز و بيسطاش محمرين و مهرمشين الطريقة موضحة بالصور نديرو الحليب بارد مع غبرة شانتيي و نطربو مزيان بالباطور حتى يعقد الخليط مزيان (عشرة دقائق او اكثر حسب برودة الجو) منين كتطلع لاكريم كنبداو نزيدو نيسلي مع التطراب والخليط كيزيد يطلع و يعقد ثم كنزيدو دانون ملعقة ملعقة مع التطراب وكنحصلو على خليط بحال هكذا من بعد كنقسموه على ثلاثة واحد كنزيدو ليه نيسكافي و كنخلطو مزيان بالباطور حتى ينسجم الخليط و واحد كيبقى عادي و واحد كنزيدو ليه شكلاط غبرة حسب اللون اللي بغينا وكنديرو الطبقة الاولى فالمول ديال القراصة و نسرحوها وكنديرو فوقها لوز مهرمش وبيسطاش ونديرو طبقة طبقة بيضاء و نديرو اللوز ثم طبقة الشكلاط و نزين الفوق حسب الرغبة اما بفيرميسال شكلاط او ملونة او شكلاط محكوك [URL=http://img140.imageshack.us/i/photos0375.jpg/][/URL منين كنساليو الطبقات كنغطيو الكلاص بورق المنيوم وندخلوه للمجمد من الاحسن نديروه من الليل للصباح ثم يقطع حسب الرغبة ويقدم بالنسبة للوز والبيسطاش يمكن نستغناو عليهم و كيجي زوين بلا بيهم و نصيحة باش يطلع الكلاص مزيان الا كان الجو سخون خاص الحليب يكون بارد مزيان (انا شي مرات كيكون عندي جامد وكنديرو فالاناء اللي غدي نطرب فيه حتى يتطلق) وحتى نيسلي و دانون يكونو فالثلاجة من قبل نتمنى تجربوه وانا متاكدة انه غدي يعجبكم هذه هي الوصفات لكنت جربتها طلعت معايا هايلة نمنى تجربوها |
| | | |
| كيكة كاوكاو نطحن في الخلاط الكهربائي كاس سنيدة + كاس حليب + كاس زيت + كاس كاوكاو محمر ومطحون نخلطهم مزيان حتى نحصل على كريمة ونعزل منها كاس ونضيف 4بيضات + 2 خمارات والدقيق حسب الخليط ندخلها لفران معتدل ملي تطيب خليها تبرد ونصب فوقها داك لكاس الي عزلنا |
| | | |
| ماضلين المقادير 3 بيضات 400 غ فورص كاس الا ربع سكر كاس الا ربع زيت كاس الاربع عصير برتقال م ص قشرة برتقال م ماء زهر 2 خمارات فاني 2 م ك نشا الطريقة بالضراب الكهربائي نخدم البيض مع السكر نزيد الزيت ونضرب ونزيد العصير ثم قشرة البرتقال و ماء الزهر والفاني مع التضراب ثم نزيد الفرص + الخميرات + النشا ونخلط . ندهن المول الخاص بالمادلين بالزبدة ونعمرهم غير النص وندخلوهم لفران ***العبار بكاس العنبة هاد المقادير كتخرج 40 ماضلينة |
| | | |
| كيك البنان المقادير 2 بنانات صغار او 1 كبيرة 2 بيضات كاس عنبة زيت ماعامرش كاس عنبة سنيدة ماعامرش 2 خمارات 2 كيسان عنبة دقيق + 2 بنانات او تفاحات للتزيين الطريقة نطحن في الخلاط الكهربائي البيض + سنيدة + البنان + الزيت نطحن الكل ملي تجانس العناصر نخوي الخليط في اناء و نزيد عليه الدقيق و الخمارات و نخلط ونخوي الخليط في مول مدهون و مرشوش و نزوق من الفوق بالشرائح ديال التفاح او البنان ندخلها لفران طيب |
| | | |
| كلاص لطيفة من مراكش نصف لتر حليب حليب مركز علبة كريمة غبرة ياغورت فاني م قهوة سريعة الدوبان 2م شكلاط غبرة 50غ لوز و 450غ بيسطاش 10 حبات حلوة او التويل للتزيين نخدم حليب مع الكريمة + حليب مركز + دانون و نقسمه على زوج و كل جزء ننسمه اما بالقهوة او الشكلاط و نعاود نخدموه و نضيف لكل جزء المكسرات الي بغيته و نتركه ليلة فالكونجلتور و عند التقديم نزينوه بالحلوى |
| | | |
| كلاص - السيدة حليمة من البيضاء المقادير حك صغير حليب مسوس حك دانون فاني 3 حتى ل4 معالق كبار سكر كلاصي ملعقة كبيرة مربى اي نوع التزيين 2معالق كبار شكلاط غبرة ملعقة صغيرة نيسكافي مذوبة في شوية ماء الطريقة ندير الحليب في اناء وندخله للمجمد نصف ساعة يبرد مزيان بلا ما يجمد ثم نخرجوه و نديروه في اناء كبير و نبداو نطربو بالباطور مع اضافة السكر شوية بشوية ثم نضيف دانون مع التطراب ومنين يطلع لاكلاص نضيف المربى و نخلطو شوية ثم نقسمو الخليط على جوج النصف نزيدو عليه الشكلاط و نخلطو و النصف الاخر نزيدو عليه القهوة او يمكن نخليوه ابيض بمذاق الفاني ثم نديرو كل خليط في طاسة وندخلوهم للمجمد عند التقديم نديرو كويرات و نزينوهم باللوز مهرمش او ايفيلي او شكلاط و يقدم |
| | | |
| حلوة الدولار *المقادير رابعة ديال الزبدة رطبة 2 خمارات 2 بيضات كاس زيت 2 كيسان سنيدة الطحين الكافي *التزيين شكلاط اسود مدوب كوك *الطريقة نخدمو الزبدة مزيان مع سنيدة نحكوهم مزيان بيدينا ثم نضيف البيض و الزيت و نخلطو ثم الطحين. و الخمارة نخليوها حتى تقرب تجمع العجينة عاد نزيدوها مع الطحين خاص العجينة تكون رطبة و خفيفة شوية نقسمو العجينة على 2 او 3 كويرات ثم نطلقوها بالدلاك فوق طبلة مرشوشة بالدقيق خاصها تكون رقيقة شوية حيت كتنفخ مع الطياب و منين نطلقوها نقطعوها بالغلاقة ديال بيدو عادية ثم نديروها في لاطة و ندخلوها للفران تطيب خاصها تبقى صفيفرة مانحمروهاش بزاف ثم نلاصقو كل جوج حليوات بالشكلاط و ندوزو الجناب ديال كل حلوة من الشكلاط ثم نفندوهم فالكوك و نردو البال منين نكونو نديرو الشكلاط باش تبقى الحلوى نقية من الوسط و تعطينا شكل الدولار |
|
| الكلمات الدلالية (Tags) |
| المفتوح, اللقاء, بالحلويات, حاز, ركن |
| أدوات الموضوع | |
| |
( 2010-05-05, 18:47 ) 
